Warum hoißt etz Buacha Buacha?
Do war wohl mol an Wald voll Buacha.
Heit muasch Buacha z´ Buacha suacha,
drum will d´ Stadt Buacha Buacha buacha,
Für zwölfhundertfuffzig Setzling Buacha
daff ma noch ma Plätzle suacha.
Willsch du später Buacha bsuacha
brauchsch du nicht noch Buacha suacha.
Im Sommer sitzt ma unter Buacha,
trinkt an Kaffee, isst an Kuacha,
und jeder wird sai Glick versuacha,
und scho fürs nägschd Johr Buacha buacha.
„Erholung unter Buacha suacha“
kasch im Heilbad Buacha buacha.
Da Arzt wird d´ Lunga untersuacha
und du en Heil-Erfolg verbuacha.
Dr Bauhof wird doch au itt fluacha,
wegs dene viele neie Buacha.
Im Herbschd musch Blätter zemma suacha
vo zwölfhundertfuffzich Buachamer Buacha.
Warum hoißt etz Buacha Buacha?
Des kasch du selber untersuacha:
du musch bloß nagange ge Buacha
und au a Buacha-Buacha buacha.
Martin Dörflinger